阿爸收租收平D

閒筆 18/7 雨

有人問我點解阿爸收租收平兩千，比市價收平兩千，一年兩萬四，依香港人的數學，一年兩萬四等於十萬八萬咁解。我問返佢點解租金要同所謂市價掛勾? 佢當然是答不出。這一類正是大部份香港人個腦的想法，租客是幫你供樓的，而且每兩年必定要review一次，租金一定要同貼近市價。

首先，業主用市價去開租金是沒有問題的，業主也有權去做任何事，在此事上任何人都沒有議異。不過做人要點樣做，自己揀。

香港人買樓，要租客幫你供，供樓都計到盡，計埋管理費差餉地租，要人地幫你找數，否則你就嘈佢，一到生約就加租，理佢死活。比左少少首期，向銀行負債，租層樓出去仲諗點樣賺多一些，再多一些，諗起都笑唔出聲。
其實無錢供就算吧啦。法例都寫明業主有責任提供一個合適可住的居所，負責結構性及原有的維修，但這班市價業主都是不會負責任的，佢覺得不是佢長期使用，為何要佢負責，佢覺得佢給你一塊地板，望上去仲有有瓦頂的已經很好了。退租順便屈你整壞幾件，維修返佢，好似新裝修一樣咁就最好。租中國人香港人的樓，你話究竟有幾慘。

成班人話香港地產霸權，誰不知成班人一同享受霸權成果。心入面沾沾自喜，得閒講兩句，只不過是為了低價再入多層。

這些做業主的人，用人的基本住屋需求去威脅租客，真是有夠霸的，還是直接地霸權，非常生活化。成班香港人都是咁樣的。大家不要扮不知道。

另外沒有租人樓，也不是業主的你，也被人潛移默化，認為租樓一定會被人加租云云，就是大家都這樣想，業主才光明正大地加你租。

成個香港既人都扮不明白，當然不要去攪個明白，否則佢地點搵錢。

用人既基本住屋需求去威脅人，全香港只有這一樣是咁團結，全世界只有香港市民默默做一直且做得理所當然。

大家明白了嗎，香港今時今日的環境都是大家一手一腳造成的。

不明白也好，都是別人的錯，咁樣開心D。

有60-70後的人話，英國人賺10蚊比返2蚊你，中國人香港人賺十蚊呃埋你袋入面既2蚊。
唔係話英國人有幾好，淨係睇返自己香港人先再講。