貓貓 Neko and Cats: 3月 2018

2018年3月19日星期一

份工唔岩自己，應該走

份工唔岩自己，應該走，特別是大眾的職位，例如各類文員，非專業人士職位。
講出黎好簡單，但人總有顧慮。
但點都好，我認為都係唔好浪費時間，應該盡快離開。

份工唔岩自己，首先睇下係咪自己工作能力與公司不相襯，無論係自己能力太高，或能力太低，遲早都係QUIT。如果工作能力係可接受程度的話，但公司文化唔適合自己，我認為都係要走。公司文化不合比起工作能力存在著更大的問題，首先文化不合自己即係你埋唔到堆，咁你唔會有人賞識，留在此處亦只是虛度光陰。
特別在中小型私人公司，很多時都不睇經驗及能力，上司等人只用佢地的個人喜好，來決定人的前途。這是一件非常不可取的事，而你絕對可以見到很多無能之人步步高昇。而且佢地對於薪金亦可以隨意定，佢LIKE你咪比多D，唔LIKE咪比少D，完全無乜標準可言。
如果你做中小型私人公司，一定要轉到一間欣賞你，可發揮到自己基本能力的地方。
千萬唔好覺得自己JUMPY，所以你最好一個月內好決定到走唔走，RESUME唔洗寫上，無需諗太多。

講幾句說話就知你份人

平時與普通人交談，大約聽對方講三四句說話就知對方水平
在此說的普通人指沒有任何階級關係的對話，以大家都是同輩為例。
首先我認為講說話要合邏輯，有很多人前言不對後語不自知，其二講說話要有道理，其三表達要清昕。

很多人都表達不到自己想講的說話。其表達能力低，我認為少睇書及少思考有關係。
先不要講學英文，單是母語的中文已經常常被人睇少，什至有人會話點解會考/DSE要考中文，亦有人建議取消。我自己係讀書少既人，但我會講睇低中文既人，佢份人都唔係咁叻，特別睇低文言文既人。
母語係重要既語言，有人可以一世都只用母語溝通，例如以前的日本。換言之，思考及表達都係用母語的，語言同思考係有密切關係。
如果有人在腦袋諗左一堆野但講唔到，即係無用。所以中文叻既人，其表達能力都非常高。而一個有能力用語言表達既人，自然會傾向有邏輯及有道理。例如是電台DJ，黃子華等等此類人物。
而你睇TVB既乜鬼旅遊節目，通常都唔知個主持UP乜，淨係識得嘩好靚呀，好味喎，但你會覺得森美主持日本旅遊比較有深度，其實森美都係同樣將見聞講出黎。
一個表達能力低既人，仲有一個特點，佢會詞窮。佢成個腦入面既生字，只有好開心，唔開心，好嬲，好辛苦，好食，唔好食等等此類形容詞。在此講既並唔係要用好深既詞。

我唔係一個可以教大家既人，如有需要在此提一提，有好多人講野會不知覺用左好多「佢」字，「佢」拎左比我，「佢」返左黎，「佢」走左。究竟邊個「佢」呢?
跟任何人講說話，特別在職場上，唔好習慣用This That He She It，呢一類「呢度」，「果度」，「佢，佢地」，完全係非常差的表達方式。不但無法令人明白，更令人混亂。
講說話要有時序，要有頭有尾，唔好濫用代名詞。現時講說話是用白話，有人覺得比文言文容易，但其實文言文咁簡短就講完，係咪代表更難呢?

如果一個人可以訓練到有良好表達能力，亦具備邏輯道理，這人可以處理到自己的情緒，無論面對家庭或職場上的困難都能夠事半功倍。
而我認為表達能力，邏輯道理都是可練習的，天生的影響不是太大。