d人話我嫌尖，樣樣野都話唔好食，每樣食物都可以彈，難得說了一道好食的，人人都驚訝，佢地都要去試下
我重申我只係有要求，香港好多食店都做得唔多用心，煮野食要拎個心出黎，否則唔好食
就好似煮比家人，你落料都多D啦，出去食飯用真金白銀架嘛，唔好咁求其喎
我唔介意地點和環境，最緊要好食，咁又點算嫌尖
d人成日問入元朗有咩好野食，老實講住元朗其實無外區人覺得元朗好多正野食
點解要特登老遠入黎呢？元朗除左村民需要渣車出黎，永遠都咁多車入黎
原因好簡單，車，我有車呀嘛
係呀，我自己都係特登入屯門碼頭搵野食囉，答案係我有車呀嘛
所以話，距離係好美麗且美味的，成日見唔到得唔到果d更耀眼
如果Long D又遠得制，個距離最好係九龍中同新界西，又或者新界西同香港中
食完送人返屋企都無咁遠呀嘛
雪山茶餐廳
地址：青山道62D
青山道好長，行到一半真係好累，已經再無法前進
於是入雪山茶餐廳補給一下
格局是非常有親切感的冰室，很古老懷舊，
幻想幾十年前的這個位置有誰留下過的痕跡
而坐門口那枱客人仲有隻貴婦狗，麻甩佬客人是也，隻狗好悠閒咁攤係在佢大脾上，又無比人趕走，我當然唔介意啦，這才是社區生活吧
阿姐仲非常好人，問多句都無鬧人
下午茶 $25蚊
仲收緊25蚊? 深水埗雖然是窮人區但收購都收到發啦(只限業主)
久違了的西多士
首先牛油非常足夠，不是一丁點的份量
蜜糖自己落，中間有花生醬，新鮮熱辣，炸得剛剛好
真係好味道
凍檸茶，我不知道凍檸茶是不是很難沖，很難飲到一杯好的
平常凍檸茶如果不苦澀的話，又不能有要求的話，飲得落但唔好飲
但雪山的凍檸茶是超水準
紅茶不澀還有茶香味，檸檬非常新鮮，糖水比例恰到好處，
凍檸茶的存在意義可以在這裡到
我是凍檸茶的愛好者，因為不能喝奶的我，只有凍檸茶可以長伴在身邊
$25蚊的力量真大，我繼續上路，往青山道3百幾號出發
開業50幾年的雪山茶餐廳請在這個物質爆燈的年代繼續下去，可不可以不要走
我聽到麻甩佬客人問加左租仲頂唔頂得住
要退下的時候雖然可以選擇光榮地退，但有些東西是永不可複製
上水天平村富滿樓也因加租而選擇光榮結業
究竟是我們長大了
還是她們老了
