大家多數覺得街症的醫生好HEA好廢
其實在等候睇街症的時候留意一下診所環境，超過九成都是老弱傷殘，九成其中的八成都肯定是長期病患，餘下一成的是當日公務員應診及少量真係病左的後生中年人。
老弱傷殘佢地唔係聽唔到就是睇唔到。護士之下就係伙記，伙記面對著這一班人，以我所見都已經做得非常好，講野夠大聲阿婆一定聽到，而且重複講說話都沒無話鬧返阿佰，只是佢地無尾音，但這個問題不大。所以當後生中年人去有問題要問伙記，伙記依然無尾音但唔係比唔到答案。
好多時長期病人如患高血壓都只是覆診拎藥，醫生同病人講野又係聽唔到，或者九唔搭八。但點都好，病人都可以得到佢想要的藥，而且有一大袋。
我睇過既街症，多數幾分鍾可以睇完，因為只不過是普通感冒，而且我以中藥為主要藥物，西藥只是急一時所需。其中有一次遇到一個非常好的醫生，佢不是平常的醫生哦哦哦聽我講完就算，而只主動叫我多穿衣，不要飲凍飲，休息及注重作息，足足睇左接近十分鍾。醫生用耐性及語言關心病人，可能勝過藥物。
其實大家睇醫生的時候，好多時都表達唔到自己有乜野問題?!
這個我都唔知點教大家，又是表達能力問題。大家要記住自己的病徵及形容得實際一點，以及病徵的頻率。係每日眾多病人之中，如果你可以講得咁鬼清楚，可以幫輕到醫生盡快攪掂你又唔洗諗點樣問你問題。而你亦可以得到最貼身的治療。今時今日好多人不去感受自己，以致得唔到相應的診治，其實蝕底的是自己。
下一篇講中醫
