細個果陣電視日日都播家樂氏栗米片隻老虎仔，所以我家人都有買比我地食
結果d外國野都唔係太鍾意食，我又唔鍾意飲奶，
最後我係直接當薯片食，因為又甜又脆，我相信當時好多小朋友都係咁，我問過其他人都係咁樣，但一定要食有糖果隻。
我細個屋企係完全無零食的，我可能只係食過幾片薯片，或者飲過幾包維他檸檬茶，於是我從來都無食零食的習慣，至於點解我屋企可以咁樣?
咁係因為家人太忙又唔理小朋友既關係，屋企係好似一個空殼
家長注意：從小食得太多人造色素及零食好大機會過度活躍的
另一個我記得既廣告又影響左我張飯枱就係茄汁豆，呢個又係外國野，媽媽間唔中買，就咁竟然當一碟。我完全唔同意罐頭可以擺係飯枱，又係因為廣告日播夜播
好可惜我唔鍾意食豆。不過佢唔係為左我一個人，所以我既口味唔會改變佢既選擇。好彩潮流好快就過，唔洗再食。
我唔算好討厭Cereals ，雖然食左佢仍然好肚餓。英國人好似好鍾意食，有間鋪頭專食七彩繽紛既Cereals
我食Cereals既方法係只落少少奶，令佢唔好浸咁耐，幾秒就快速食晒，咁樣我仍然可以食到脆卜卜既Cereals。
另外759有盒來自波蘭既 Mr Breakfast 可可脆片，好平，折左10蚊盒
不過唔夠雀巣既可可脆片好食，硬左少少
759又有來自英國Jersey Island既Jersey Milk
Jersey Milk既宣傳片拍得好好，好似係對牛牛好友善既公司
Jersey Island的風景好美，係一個小島，島上無咩好做，唔少家庭都是養牛，每日係草地放牛
再拉牛去工廠渣牛奶，就係咁，就有左17世紀開始既 Jersey Milk
似乎比唔知邊度地方既牛好好多
我最憎開呢d，要用陰力先得
倒奶出黎都係倒瀉晒
Jersey Milk既牛奶味道幾好，佢無北海道果d咁濃味，又無香港牛奶公司既雪味
我通常都飲全脂奶，怕肥就直頭唔好飲
如果要飲經過人工製過既奶，例如脫脂奶，咁不如唔好飲，我個人唔建議食一d太人工既食物
牛奶唔建議經常飲用，科學界已經解釋左
我都唔建議大家飲，我也是其中一個唔受得奶既人，除了腸胃問題
牛奶亦好容易造成身體各方面既敏感
我唔相信比牛牛飲既奶適合人類
而佢既營養亦唔係大家想像中咁高，進食其他日常食物已經可取代
羊奶比牛奶容易吸收及分解消化
最新鮮渣出黎既羊奶更好，香港是無可能飲到的啦
敏感身體建議不要飲任何奶，好濕好躁的，而且佢既蛋白質非常難消化
佢既蛋白質亦很容易令身體起敏感
唔飲奶唔係一個損失，一旦造成身體敏感更一發不可收捨
一個有敏感既人係好唔開心的，佢會特別精神緊張，成世人都好辛苦
假如你是家長而你擁有選擇權，請不要對奶太著迷(人奶除外)
